Küçənin ortasında qadını qovaraq ona təpik atır... Ana isə azyaşlı qızcığazın  yanına gələrək qaçmağa başlayır. Bu zaman azyaşlı atasının onu da təpiklə vuracağından qorxaraq anası ilə özünü yola atır. Nəticədə maşının vurduğu uşaq ölür, qadın isə xəsarət alır...

OXU24.COM  Xəzər TV-yə istinadən bildirir ki, bununla bağlı görüntüləri yayılan hadisə 4 gün əvvəl Bakının Balaxanı qəsəbəsində baş verib.

Bakının Balaxanı qəsəbəsində əri tərfindən şiddətə məruz qalan ailənin yaşadığı evə gedib hadisənin təfərrüatlarını öyrənmək istədik.

Baş verən hadisədən sonra gözü yaşlı bir ananın bizi  qarşılayacağını, atanın isə ümumiyyətlə kamera  qarşısına çıxmayacağını gözləyirdik. Amma gözlədiyimiz olmadı...

Özündən 28 yaş böyük  kişi ilə ailə  quran Lalə İsmayılova əri Hümmət Adıgözəlovun hərəkətlərinə hətta haqq qazandırdı.

Lalə baş verənlərə asanlıqla "qisməti beləymiş" deyib keçir. O, şiddətə öyrəşərək yaşadığının, küçələrdən butulka, dəmir - dümür toplayaraq min bir əziyyətlə övlad böyütdüyünün fərqində belə deyil. Elə rəsmi nikahı olmayan, amma 6 ildir birlikdə  yaşadığı Hümmət kimi...

Baş verənlərlərə bağlı Ailə, Qadın ,Uşaq problemləri üzrə dövlət Komitəsindən bayram günü olduğundan münasibət öyrənə bilmədik...Onsuz da nə  öyrənəcəyimiz münasibət, nədə ki, veriləcək açıqlamalar 5 yaşlı Nurcayı geri qaytaracaq. 5 yaşlı Nurcay arzularını, xəyallarını özü ilə apardı. Onun 4 yaşlı qardaşının taleyinin necə olacağını isə indi heç kim bilmir. Nurcayın yoxluğunun elə də fərqində olmayan valideynləri  görəsən onu necə böyüdəcəklər?

Mövzu ilə bağlı daha ətraflı videomaterialı təqdim edirik.