Goranboyda leysan yağışdan sonra yaranan sel suları rayonun 6 kəndində fəsadlar törədib.

OXU24.COM Xəzər TV-yə istinadən bildirir ki, güclü yağış Nizami, Dəyirmanlar,  Azad, Borsunlu və Nadirkənd kəndləri ərazisində  əkin sahələrinə, yol infrastrukturuna, Azad-Nizami avtomobil yolunda olan körpüyə ziyan vurub.

Azad kənd sakinləri bildirib ki, son 25 ildə ilk dəfədir ki,yaşayış məntəqəsində belə vəziyyət yaranıb. Sel suları bir neçə sakinin evinin zirzəmisinə dolub. Həmçinin biçilməmiş taxıl,otlaq,günəbaxan sahələri də zərər görüb.

Yağışdan sonra yarana sel rayonun Todan kəndində fərdi yaşayış evinin yardımçı tikilisinə ziyan vurub, həmçinin Dəyirmanlar kənd tam orta məktəbinin həyətinə və zirzəmisinə dolub.

Təbiət hadisəsinin yaratdığı fəsadların aradan qaldırlması üçün Rayon  Fövqəladə Hallar Komissiyası tərəfindən  müvafiq texnikalar  əraziyə cəlb edilməklə sel sularının əhalinin yaşadığı əraziyə keçməsinin qarşısı alınıb.

Mövzu ilə bağlı daha ətraflı videomaterialı təqdim edirik.