Dağıstanda avtobusun toqquşması nəticəsində 9 nəfər ölüb, 16 nəfər yaralanıb

Oxu24.com -un TASS-a  istinadən verdiyi xəbərə görə, Dağıstanda avtobusla minik avtomobilinin toqquşması nəticəsində 9 nəfər ölüb, daha 16 nəfər yaralanıb.

“112” Telegram kanalının məlumatına görə, qəza R-217 “Kavkaz” avtomobil yolunda baş verib. "Moskva - Xasavyurt" avtobusu, minik avtomobili və yük maşını toqquşub.

İlkin məlumata görə, “Toyota Camri” Koxanovka kəndi yaxınlığında qarşıdan gələn zolağa çıxıb və orada “KamAZ” markalı yük maşını ilə toqquşub. Bundan sonra yük maşını avtobusa çırpılıb və avtomobil yanıb.

Tərcümə: Miri Məcidli