Ukrayna Silahlı Qüvvələrinin Baş Qərargahı İranın 33 Şahed-136/131 pilotsuz təyyarəsindən 30-nun hava hücumundan müdafiə qüvvələri tərəfindən məhv edildiyini açıqlayıb.

Oxu24.com xəbər verir ki, Xmelnitski vilayətində 6 kamikadze pilotsuz uçan aparat məhv edilib.

Ukrayna Silahlı Qüvvələrinin Baş Qərargahı həmçinin bəyan edib ki, Rusiya ordusu Zaporojyedəki mülki infrastruktura S-300 hava hücumundan müdafiə sistemindən yeddi zenit-idarə olunan raket və bir “İskəndər-M” yerüstü qanadlı raket atıb.

Baş Qərargah, əlavə olaraq, rusların Ukrayna Silahlı Qüvvələrinin mövqelərinə və yaşayış məntəqələrinə 83 hava zərbəsi endirib və çoxsaylı reaktiv yaylım atəşi sistemlərindən 58 hücum təşkil etdiyini bildirib.

"Ukraynanın bütün ərazisi boyunca raket və hava zərbələrinin endirilməsi ehtimalı çox yüksək olaraq qalır", - Baş Qərargah xəbərdarlıq edib.

Tərcümə: Miri Məcidli