2023-cü il oktyabrın 1-dən Özbəkistan gündəlik 9 milyon kubmetr həcmində Rusiya qazı almağa başlayacaq, illik idxalın həcmi təxminən 2,8 milyard kubmetr olacaq.

Oxu24.com xəbər verir  ki,bu barədə Özbəkistanın Energetika Nazirliyi məlumat yayıb.

Sankt-Peterburq Beynəlxalq İqtisadi Forumunda iki il müddətinə qaz tədarükü haqqında sazişi Özbəkistanın energetika naziri Jurabek Mirzəmaxmudov və “Qazprom”un idarə heyətinin sədri Aleksey Miller imzalayıblar.

Özbəkistanın Energetika Nazirliyi bildirib ki, qazın qiyməti regiondakı bazar qiymətlərinə, həmçinin Özbəkistanda qazın qiymətinə və “bazar prinsipləri əsasında aparılması planlaşdırılan islahatlara” uyğun olaraq danışıqlar aparılacaq.

Sazişə əlavə olaraq, yol xəritəsi imzalanmışdır ki, bu da digər məsələlərlə yanaşı, 22 kilometr yeni magistral qaz kəmərlərinin çəkilişini, 56 kilometr qaz kəmərinin və qaz nasos avadanlığının təmirini nəzərdə tutur.

Tərcümə: Nigar