ABŞ-ın dövlət katibi Entoni Blinken Pekində Çin prezidenti Si Cinpinlə görüşüb.

Oxu24.com xəbər verir  ki,Amerikanın Səsinin məlumatına görə, görüş bu ilin sonunda ABŞ və Çin liderlərinin sammitinə səbəb ola bilər.

“Hər iki tərəf səmimi və ətraflı müzakirələr aparıb. Ümid edirəm ki, bu səfərinizlə, cənab dövlət katibi, siz Çin-ABŞ münasibətlərinin sabitləşməsinə daha müsbət töhfə verəcəksiniz”, - deyə Si Blinkenə bildirib.

Xi deyib ki, ABŞ və Çin bir sıra məsələlərdə "proqress əldə edib": "Çin tərəfi mövqeyimizi açıqlayıb və hər iki tərəf prezident Baydenlə mənim Balidə əldə etdiyimiz ümumi razılaşmalara əməl etməyə razılaşıb".

Çin liderinin sözlərinə görə, iki ölkənin maraqları bir-birinə təhdid kimi deyil, ciddi qəbul edilməlidir: “Çin ABŞ-ın maraqlarına hörmət edir və Vaşinqtona meydan oxumayacaq. Eynilə, ABŞ da Çinə hörmət etməli və Çinin qanuni hüquq və maraqlarına xələl gətirməməlidir”.

Xinhua agentliyinin məlumatına görə, Blinken ABŞ-ın yeni soyuq müharibəyə can atmadığını, Çindəki sistemi dəyişməyə çalışmadığını və Tayvanın müstəqilliyini dəstəkləmədiyini vurğulayıb.

Tərcümə: Nigar