Türkiyə xüsusi xidmət orqanları Suriyanın Ayn əl-Ərəb bölgəsində əvvəllər beynəlxalq axtarışa verilmiş xüsusi təhlükəli terrorçu Osman Nuri Ocaqlını zərərsizləşdirib.

Oxu24.com xəbər verir ki,Türkiyənin təhlükəsizlik strukturlarındakı mənbələrin məlumatına görə, Yılmaz Behrareş adlı çağırış işarəsi olan Ocaklı yaraqlısı Türkiyədə qadağan olunmuş MLKP (Marksist-Leninist Kommunist Partiyası) təşkilatının liderlərindən biri olub.

Ocaqlı 2000-ci ildən MLKP sıralarında fəaliyyət göstərir və bu cinayətkar təşkilatın bir çox qanlı aksiyalarının təşkilatçısı hesab edilirdi.

MLKP yaraqlıları Suriya və Türkiyədə terror aktları təşkil etmək üçün bölgədəki PKK terrorçuları ilə sıx əməkdaşlıq edir.

Ocaqlı 2014-cü ildə PKK terrorçularının Şimali İraqdakı bazalarına qaçıb, 2015-ci ildə isə Suriyanın Rəsulayn bölgəsinə köçüb.

2018-ci ildə o, Suriya və Türkiyə dövlət sərhədinin qanunsuz keçidlərini təşkil edib və ötən ildən Suriyanın Ayn əl-Ərəb bölgəsində MLKP dəstələrinə rəhbərlik edib.

Tərcümə:Aynurə Məcidova