Rusiya prezidenti Vladimir Putin, Qərb ölkələrinin Ukraynaya mümkün F-16-ların göndərilməsinə reaksiya verərək, “Ukraynada Leopard tankları yanır, F-16-lar Leopardlar kimi yanacaq, buna heç bir şübhə yoxdur”,- deyə açıqlama verib.

 

Oxu24.com xəbər  verir  ki, Putin Sankt-Peterburqda Əlcəzair Prezidenti Əbdülməcid Tebbun ilə görüşüb.

Sankt-Peterburq Beynəlxalq İqtisadi Forumunun əsas sessiyasında “The National Interest” jurnalı köşə yazarı Dmitri Simsin suallarını cavablandırıb.

Ukraynanın əks-hücumdan sonra 186 tankını itirdiyini bildirən Putin, "Ukrayna ordusu hücum etdiyi bəzi bölgələrdə müdafiəmizin ilk xəttinə çata bildi, bəzilərində isə bacarmadı.

Burada əsas məsələ ondan ibarətdir ki, istifadə edirlər. strateji ehtiyatları var, lakin heç bir bölgədə hədəflərinə çata bilmədilər”,-deyə Putin bildirib.

Ukraynanın tezliklə öz hərbi texnikasından istifadə etməyəcəyini qeyd edən Putin, "Heç bir texnika qalmayacaq, istifadə etdikləri hər şey xaricdən gələcək. Bu cür uzun müddət mübarizə apara bilməzsiniz",- fikrini bildirib.

Rusiya müdafiə sənayesində istehsalın artmasına işarə edən Putin, "Keçən il hərbi məhsul istehsalını 2,7 dəfə artırdıq və artmaqda davam edir. Bəzi müəssisələr gecə-gündüz işləyir",- deyib.

Tərcümə: Miri Məcidli