Türkiyənin Tekirdağın Çorlu rayonunda at arabasının vurduğu Fatma C. (51) yaralanıb. Qəza bir iş yerinin təhlükəsizlik kamerasına əks olunub.

Oxu24.com Türkiyə mediasına  istinadən xəbər  verir  ki,qəza  əvvəlki  gün Şeyh Sinan Məhəlləsi Kumyol Prospektində meydana gəlib.

Üzərində 2 nəfərin olduğu at arabası əks istiqamətə daxil olaraq yolu keçmək istəyən Fatma Ç.-ni vurub. Sürücü çətinliklə at qoşqusunu  saxlayarkən Fatma Ç. yaralanıb.

Ətrafındakılar tərəfindən çıxarılan Fatma Ç. təcili yardım maşını ilə Çorlu Dövlət Xəstəxanasına aparılıb. Vaqon sürücüsü qəzadan sonra ərazini tərk edib.

Qəza yaxınlıqdakı iş yerinin təhlükəsizlik kamerasına əks olunub.

Tərcümə:Aynurə Məcidova