Prezident Rəcəb Tayyib Ərdoğan Türkiyə prezidentinin andiçmə mərasimi üçün Ankaraya gəldiyinə görə Ermənistanın baş naziri Nikol Paşinyana təşəkkür edib.

Oxu24.com Türkiyə mediasına istinadən xəbər  verir   ki,Türkiyə lideri Azərbaycan-Ermənistan münasibətləri və Azərbaycanın ərazi bütövlüyünün tanınması məsələsində Ermənistanın müəyyən konstruktiv mövqeyi ilə bağlı sualı  cavablandırıb.

Ərdoğan Paşinyanın Ankaraya səfərini “vacib addım” adlandırıb.

“Türkiyə tərəfinin dəvətinə müsbət cavab verən Paşinyan ölkəsində bir çox maneələri və müxalifət əhval-ruhiyyəsini dəf etdi. Mərasim zamanı onunla qısaca ünsiyyət qurmaq imkanım oldu. Türkiyəyə gəlişimlə əlaqədar minnətdarlığımı bildirdim”, - deyə prezident bildirib.

Prezident Ərdoğan Ermənistan baş nazirinin Azərbaycanın, o cümlədən Qarabağ bölgəsinin ərazi bütövlüyünün tanınması ilə bağlı dediklərini də “vacib” adlandırıb. “Lakin, bayaq dediyim kimi, Ermənistanda Paşinyana qarşı mənfi fikirlər var. Və bu, çox, çox vacib bir məqamdır. Bu günə qədər Paşinyan geri addım atmayıb”, - deyə Ərdoğan bildirib.