Xaçmaz rayonunda fəhlələri daşıyan avtomobil qəzaya düşüb.

Hadisə Xaçmaz-Quba yolunda qeydə alınıb.

Belə ki, "Ford" markalı mikroavtobusla "Kia" markalı minik avtomobili toqquşub.

Nəticədə 1964-cü il təvəllüdlü Xanəliyeva Gülnarə Güloğlan qızı, 2016-cı il təvəllüdlü Tağıyeva Şəlalə Əliağa qızı, 1974-cü il təvəllüdlü İmamova Vəsilə Məlikməmməd qızı və 2001-ci il təvəllüdlü Talıbov Rizvan Qurban oğlu müxtəlif dərəcəli bədən xəsarətləri alıblar.

Onların rayonda yerləşən bağlardan birində fəhlə kimi işləməyə getdikləri bildirilir.

Faktla bağlı araşdırma aparılır.