OXU24.COM Sky TG24-ə istinadən xəbər verir ki, İtaliyanın keçmiş baş naziri Silvio Berluskoninin dəfn mərasimi iyunun 14-də Milan Katedralində keçiriləcək.

"Silvio Berluskoninin dəfn mərasimi çərşənbə günü Milan Katedralində keçiriləcək. Bunu Milan Yeparxiyası da təsdiqləyib", - telekanal xəbər verir.

Siyasətçi ilə vida mərasimi iyunun 12-də Arkord şəhərindəki villasında başlayacaq və iyunun 13-də Mediaset şirkətinin studiyalarında davam edəcək.

Xatırladaq ki, Silvio Berluskoni iyunun 12-də 87 yaşında vəfat edib.

Berluskoni 29 sentyabr 1936-cı ildə Milanda anadan olub. 20 ildən çox bizneslə məşğul olduqdan sonra, artıq milyonçu olan Berluskoni siyasi karyerasına 57 yaşında başlayıb. 1994-cü ilin yanvarında Berluskoni "İrəli İtaliya" partiyasını qurdu və həyatının son gününə qədər partiyanın rəhbəri olaraq qaldı. Forza Italia partiyasının yaradılmasından cəmi iki ay sonra seçkilərdə qalib gəldi.

Berluskoni ilk dəfə 1994-cü ildə İtaliya hökumətinə rəhbərlik edib. O, ardıcıl dörd dəfə bu vəzifəni tutub və Avropa dövlətinin hökumətinə başçılıq edən ilk multimilyarder olub.

Tərcümə: Aynurə Məcidova