İraq ABŞ-dan ödənişin həyata keçirilməsi üçün icazə aldıqdan sonra İrana təxminən 2,76 milyard dollar qaz və elektrik borcunu ödəməyə razılaşıb.

Oxu24.com xəbər verir  ki,“Reuters”in Xarici İşlər Nazirliyindəki mənbəsinin məlumatına görə, İraqın xarici işlər naziri Fuad Hüseyn Ər-Riyadda keçirilən konfrans çərçivəsində ABŞ dövlət katibi Entoni Blinkenlə görüşmək üçün icazə alıb.

İran-İraq müştərək ticarət palatasının rəhbəri Yəhya əl-İshaq bildirib ki, İranın İraqda blokadaya alınmış aktivlərinin bir hissəsi zəvvarların ehtiyacları üçün ayrılıb, pulun bir hissəsi isə əsas malların tədarükü üçün ödənilib.

İraq əsasən İrandan qaz idxalından asılıdır. Bununla belə, ABŞ-ın İran nefti və qazına tətbiq etdiyi sanksiyalar İraqın idxal ödənişlərini əngəlləyərək, onu külli miqdarda borclu qoyub və İranı mütəmadi olaraq qaz tədarükünü kəsərək cavab tədbirləri görməyə məcbur edib.

Tərcümə: Nigar