Somalidə "Əş-Şəbab" terror təşkilatı paytaxt Moqadişoda bir otelə hücum edib.

 

Oxu24.com xarici mediaya istinadən xəbər  verir  ki,hökumətdən verilən açıqlamada əməliyyatın davam etdiyi bildirilib.

 

Digər tərəfdən ölkənin Aşağı Şabelle bölgəsində baş verən partlayışda 27 nəfər həyatını itirib, 53 nəfər isə yaralanıb.

 

Hökumətin bəyanatına görə, hücum edənlər səlahiyyətlilərin üz tutduğu çimərlikdə yerləşən oteli hədəfə alıblar.

 

Açıqlamada təhlükəsizlik qüvvələrinin binadan çoxlu sayda insanı xilas etdiyi və əməliyyatın davam etdiyi bildirilib. Hücum nəticəsində azı 7 nəfər yaralanıb

 

Hücuma görə məsuliyyəti "Əş-Şəbab" terror təşkilatı öz üzərinə götürüb.

 

Somalinin dövlət xəbər agentliyi partlayışın Somalinin paytaxtı Moqadişunun cənubunda yerləşən Koryoley şəhərində baş verdiyini açıqlayıb.

 

Partlayışda əksəriyyəti uşaq olmaqla 27 nəfərin həyatını itirdiyi açıqlanıb.

 

Hadisənin bölgədə minaatanların partlaması nəticəsində baş verdiyi bildirilib, minaatanların niyə partladığı barədə məlumat verilməyib.

 

Tərcümə:Aynurə Məcidova

 

Oxu24.com