Rusiyanın Voronej vilayətində pilotsuz uçuş aparatı (PUA) yaşayış binasına çırpılıb. Oxu24.com “Kommersant”a istinadən xəbər verir ki, bu barədə məlumatı vilayətin qubernatoru Aleksandr Qusev açıqlayıb. Onun sözlərinə görə, hadisə nəticəsində 2 nəfər yaralanıb. Sosial şəbəkələrdə yayılan görüntülərdən, PUA-nın mənzillərin eyvan və pəncərələrinə ziyan vurduğunu görmək mümkündür. Hazırda hadisənin detalları araşdırılır. Qusev Voronejdə PUA-nın düşdüyü ərazidə fövqəladə vəziyyət rejiminin elan edildiyini açıqlayıb. O, həmçinin bildirib ki, PUA-nın çırpıldığı binanın sakinləri təxliyə edilməyəcək. Ümumilikdə binada 90 sakinin yaşadığı məlumdur. Yaxın saatlarda təmir-bərpa işlərinə başlanılacaq. Oxu24.com