İyunun 8-də Rusiyanın müdafiə naziri Sergey Şoyqu bildirib ki, Ukrayna hərbçiləri Rusiya hərbçiləri ilə iki saatlıq döyüş zamanı 30 tank, 11 piyada döyüş maşını və 350-dək insan itirib.

Oxu24.com Rusiya mediasına istinadən xəbər verir ki,İyunun 8-nə keçən gecə Rusiya hərbçiləri Ukrayna Silahlı Qüvvələrinin Zaporojye istiqamətində Rusiya müdafiəsini yarıb keçmək cəhdinin qarşısını alıblar.

“İki saat davam edən döyüş nəticəsində Ukrayna tərəfi 30 tankı, 11 piyada döyüş maşını, 350 nəfərədək şəxsi heyətini itirib”, - Şoyqu bildirib.

İyunun 7-də baş verən döyüşlər zamanı Ukrayna Silahlı Qüvvələri 945 nəfər, 33 tank, 28 piyada döyüş maşını, 38 zirehli döyüş maşını, üç “Krab” özüyeriyən artilleriya qurğusu və digər silah-sursatını itirib.

Tərcümə:Aynurə Məcidova