Metroda dəhşət:Eskalator tərsinə fırlandı - VİDEO

Cənubi Koreyada paytaxt Seulun cənubundakı metro stansiyasında eskalatorun sürətlə əks istiqamətə hərəkət etməsi nəticəsində 14 nəfər xəsarət alıb.

Oxu24.com xarici mediaya istinadən xəbər  verir ki,polis və yanğınsöndürmə idarəsinin əməkdaşlarının verdiyi məlumata görə, qəza səhər saat 8:20 radələrində Bunaq xəttindəki Sunae stansiyasının ikinci çıxışında baş verib.

Yuxarı qalxan eskalator qəfil sürətlə geriyə dönüb aşağı düşdüyündən onun üzərində olan insanlar yıxılıb.

Kürəyi və ayaqlarından ağır xəsarət alan 3 nəfər xəstəxanaya çatdırılıb, yüngül xəsarət alan 11 nəfərə tibbi yardım göstərilib.

Polis qəzanın dəqiq səbəblərini araşdırır.

Bununla belə izah edilib ki, eskalatorun əllə işə salma sistemindən istifadə edən birinin istiqaməti tərsinə çevirmə ehtimalı çox aşağıdır.

Hadisə anının videosunu təqdim edirik:

 

Hazırladı:Aynurə Məcidova