Ukrayna Rusiyada təxribat üçün yaxşı təlim keçmiş agentlər şəbəkəsi yaradıb və onları qaçaqmalçılıq marşrutları ilə Rusiya Federasiyasına daxil ola biləcək öz istehsalı olan dronlarla təmin edib.

Oxu24.com xəbər verir  ki,bu barədə CNN telekanalı ABŞ kəşfiyyatının məlumatları ilə tanış olan mənbələrə istinadən məlumat yayıb.

Rəsmilər deyirlər ki, Ukrayna Rusiya daxilində bu cür müharibə ilə mübarizə aparmaq üçün yaxşı təlim keçmiş ukraynapərəst insanlardan ibarət təxribatçı qruplar yaradıb.

Rəsmilər Ukraynanın pilotsuz təyyarələri düşmən xəttinin arxasına necə çəkə bildiyini dəqiq deyə bilməyiblər, lakin iki mənbə CNN-ə bildirib ki, Ukrayna tərəfi dronları və ya onların komponentlərini Rusiyaya göndərmək üçün istifadə oluna biləcək yaxşı qurulmuş qaçaqmalçılıq marşrutları yaradıb. 

Bundan əlavə, nəşrin mənbələri qeyd edir ki, Rusiya hakimiyyətinin prezident Vladimir Putinə “sui-qəsd cəhdi” adlandırdığı mayın 3-də Kremlə hücuma görə məsuliyyət daşıyanların məhz Ukraynadan pilotsuz təyyarələr alan diversantlar olub.

Tərcümə: Aynurə Məcidova