Rusiya ərazisinə dronlu hücum olub.

Oxu24.com xəbər  verir  ki, Rusiyanın Teleqram kanalları yazır ki, Smolensk vilayətində neft emalı zavodunun ərazisində pilotsuz təyyarə partlayıb.

Partlayış iyunun 2-də saat 15 radələrində Peresna kəndi yaxınlığındakı stansiyada baş verib.

Müəssisənin işçiləri güclü partlayış səsi eşidiblər. Əraziyə baxış keçirdikdən sonra helikopter meydançasından 800 metr aralıda partlayan təyyarə tipli dron (eni bir yarım metrdən çox) və dərinliyi 1 metr, diametri 3 metr olan huni aşkar ediblər.

Sonradan məlum olub ki, pilotsuz təyyarəyə təxminən 2 kiloqram trotil tutumlu partlayıcı doldurulub. Pilotsuz təyyarə karbüratör mühərriki və GPS naviqatoru ilə təchiz edilib.

Tərcümə: Miri Məcidli