İyunun 2-nə keçən gecə pilotsuz təyyarələr Rusiyanın Kursk şəhərinə hücum edib.

Oxu24.com xəbər  verir  ki, Kursk vilayətinin qubernatoru Roman Starovoit yerli mediaya   bildirib ki, yerli hava hücumundan müdafiə qüvvələri “bir neçə” pilotsuz təyyarəni vurub.

“Bu gecə Kursk yaxınlığında bir neçə Ukrayna pilotsuz təyyarəsi hava hücumundan müdafiə sistemi tərəfindən vurulub. Biz kursklulardan sakit olmağı xahiş edirik, şəhər hərbçilərimizin etibarlı mühafizəsi altındadır”, - deyə region rəhbəri öz teleqram kanalında etdiyi paylaşımda bildirib.

Şəhərin müxtəlif yerlərində partlayış səsləri eşidilib. Onlardan ən azı üçü var idi, yerli "Dost üçün dost" nəşri yazır.

Şotun yerli sakinlərə istinadən verdiyi məlumata görə, təxminən yeddi partlayış olub. Onlar Pobeda və Karl Marks küçələri, eləcə də dəmiryol vağzalı ərazisində qeydə alınıb.

Mash Telegram kanalı dəmiryol vağzalı yaxınlığında yüksək səslərin olduğunu  təsdiqləyib.

Pilotsuz təyyarənin hücumu nəticəsində beşmərtəbəli yaşayış binasına ziyan dəyib - naməlum obyekt Soyuznaya küçəsindəki evin girişinə dəyib. Ölənlər barədə məlumat yoxdur.

Qubernator Starovoit bildirib ki, bir gün əvvəl Kursk vilayətinin Sudjanski rayonunun Qoqolevka kəndinin sakinləri pilotsuz uçan aparatdan döyüş sursatının yarımstansiyaya atılması səbəbindən işıqsız qalıb. Ötən gün vilayətin Korenevski rayonunda dövlət sərhədində mühafizə xəttində işləyən iki inşaatçı mərmi atəşi nəticəsində xəsarət alıb. Həmin gün vilayətin Qluşkovski rayonunun Tetkino kəndi atəşə tutulub.

Tərcümə:Aynurə Məcidova