Türkiyənin Ərzurum şəhərində ağır qəza baş verib.

Oxu24.com TRT Haber-ə istinadən  xəbər  verir  ki, Yakutiye mahalının mərkəzi Şıh Köyü küçəsində Yusuf Öztürk idarəsindəki xüsusi ictimai avtobus qəfildən yan yoldan çıxan nəqliyyat vasitəsinə və Ərzurum Böyükşəhər Bələdiyyəsinə məxsus avtobusa dəyməmək üçün əyləc basıb. 

Qəzada hər iki avtobusda olan 15 sərnişin yüngül xəsarət alıb.

Hadisə yerinə gələn çoxlu sayda təcili yardım maşını ilə yaralılar şəhərdəki xəstəxanalara aparılıb.

Müalicə olunan yaralıların sağlamlıq durumlarının yaxşı olduğu bildirilib.

Yol polisi hər iki istiqamətdə yolu bir müddət bağlayaraq tədbir görüb.

Tərcümə:Aynurə Məcidova