Rusiya prezidenti Vladimir Putinə Gelencikdəki sarayının altındakı yeraltı bunker kömək etməyəcək.

Oxu24.com xəbər  verir  ki,bu barədə Ukrayna Televiziyasının efirində Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov bildirib.

Yusovun sözlərinə görə, Ukrayna kəşfiyyatı Rusiya prezidentinin bunker şəbəkəsindən xəbərdardır.

"Əgər kimsə fikirləşir ki, bir neçə mərtəbə aşağı enib gizlənmək olar - yox, bacarmazsan, reallıq ora da çatacaq. Bu, o demək deyil ki, siz hansısa raketlərdən və döyüş başlıqlarından sözün əsl mənasında gizlənməlisiniz. Xeyr. Söhbət Rusiya Federasiyasının özündə daha sürətli və genişmiqyaslı proseslərdən gedir.Bunkerlər kömək etməyəcək”, - o bildirib.

Putinin bunkerdən neçə dəfə çıxması ilə bağlı suala o, belə cavab verib ki, bu, mütəmadi olaraq baş verir: "Məsələ ondadır ki, biz bu sözlə hansı Putini və kimi nəzərdə tuturuq. Əsl Putinin sağ olduğuna əminsiniz? Burada hələ də müzakirələr gedir".

Miri Məcidli