Türkiyə Xarici İşlər Nazirliyi Almaniyanın Ankaradakı səfiri Yurgen Şultsu Frankfurt-Maynda türk jurnalistlərin saxlanılması ilə əlaqədar çağırıb. Oxu24.com TASS-a istinadən xəbər verir ki, bu barədə Türkiyə Xarici İşlər Nazirliyinin çərşənbə günü yaydığı bəyanatda deyilir. “Bu gün, mayın 17-də “Sabah” qəzetinin Frankfurt bürosunun nümayəndələrinin Almaniya polisi tərəfindən heç bir əsas olmadan tutulması türk mətbuatını təqib etmək və qorxutmaq aktıdır. Biz bu çirkin əməli qətiyyətlə pisləyirik. Sərt reaksiyamız Almaniyanın Ankaradakı səfirinin diqqətinə çatdırılıb və bu gün nazirliyə çağırılıb”, - bəyanatda deyilir. Qeyd edək ki, bu gün “Sabah” qəzetinin Almaniya təmsilçisi İsmail Erel və “Sabah Avrupa” qəzetinin redaktoru Cemil Albay FETÖ-çü Cevheri Güvenin şikayəti əsasında Almaniya polisi tərəfindən saxlanılıb. Miri Məcidli Oxu24.com