Rusiyanın “Vaqner” mühafizə şirkətinin qurucusu Yevgeni Priqojin “Telegram” qrupunda paylaşdığı videoda münaqişənin davam etdiyi Ukraynanın Bəhmut şəhərində ABŞ vətəndaşının öldürüldüyünü iddia edib.

Oxu24.com xəbər  verir  ki, Rusiyalı müxbir Aleksandr Simonovun Telegram hesabından yaydığı videoda Priqojin cəsədi və üzərindəki sənədləri yoxladığı əks olunub.

"Budur, keçmiş Amerika əsgəri Nikolas. Onu ABŞ-a çatdıracağıq, tabuta qoyacağıq, hörmətlə Amerika bayrağı ilə örtəcəyik, çünki o, baba kimi yataqda ölməyib, döyüşdə həlak olub və yəqin ki, ləyaqətlə”, – Priqojin bildirib.

Vaqner lideri bildirib ki, öldürülən şəxs döyüşdə ölüb.

"Biz Bahmutda ABŞ vətəndaşının öldürülməsi xəbərini gördük, lakin biz əlavə məlumat axtarırıq", - ABŞ Dövlət Departamentinin mətbuat katibi bildirib.

Ukraynada həlak olan Amerika vətəndaşını təsdiqləmək üçün ABŞ-ın imkanlarının az olduğu, Ukrayna müharibəsində həyatını itirənlərə başsağlığı verildiyi qeyd edilib.

ABŞ vətəndaşlarına da Ukraynaya səfər etməmək barədə xəbərdarlıq edilib.

Tərcümə: Miri Məcidli