Yumurtanı xarab olmadan soyuducuda neçə gün saxlamaq olar?

Yumurta ən əhəmiyyətli zülal qaynaqlarından biridir. Bəs sağlamlığa faydalı olması üçün yumurtanı hansı şəraitdə, neçə gün saxlamaq lazımdır?

Qida mütəxəssislərinin sözlərinə görə, yumurtanın saxlama müddəti məhduddur və düzgün saxlanmadıqda, uzun müddət sonra istehlak edildikdə qida zəhərlənməsinə səbəb ola bilər.

Yumurta alarkən üzərində çatların olub-olmadığına mütləq fikir vermək lazımdır.

Yumurtaların bayat və ya xarab olub olmadığını öyrənmək üçün duzlu su testi də edilə bilər.

Məlumdur ki, təzə yumurtaları xarab olmadan təxminən beş həftə soyuducuda saxlamaq olar.

Qaynadılmış yumurtanın soyuducuda saxlama müddəti yeddi gündür və qida zəhərlənməsi riskini aradan qaldırmaq üçün bu müddətdən çox qalmış yumurtanı istehlak etmək doğru deyil.