Moldovanın paytaxtı Kişinyovda hökumət əleyhinə nümayiş keçirilir.

Oxu24.com xəbər verir   ki, yerli KİV-in məlumatına görə, aksiyanı Şor partiyasının fəalları və siyasətçilərinin daxil olduğu Xalq Uğrunda Hərəkat təşkil edib.

Mitinq iştirakçıları parlament binası yaxınlığında toplaşıblar. Onlar prezidentin istefasını və növbədənkənar parlament seçkilərinin keçirilməsini tələb ediblər. Nümayişçilər Kişinyovda mərkəzi avtomobil yolunun bir hissəsini müvəqqəti bağlayıblar.

Polisin məlumatına görə, 27 nəfər saxlanılaraq şəxsiyyətini yoxlamaq üçün polis bölməsinə aparılıb. Bundan əlavə, media yazır ki, saxlanılanların bəzilərində müxtəlif obyektləri yandırmaq niyyətində olan tez alışan maddələr aşkar edilib.

Etirazın təşkilatçılarından biri olan Xalq Uğrunda Hərəkat Moldova hakimiyyətini Kişinyovda aksiyaya gedən insanların nəqliyyatını kəsən polisin qanunsuz hərəkətlərində ittiham edib.

Etirazçılar özləri ilə “Biz artıq hesabı ödəyə bilmərik!”, “Hökumətdən xalqın borcunu ödəməsini tələb edirik!”, “Biz xalqıq!” yazıları olan plakatlar gətiriblər.

Tərcümə: Miri Məcidli