Son vaxtlarda maaş və pensiyaların artırılması ezamiyyə xərcləri ilə bağlı məsələni də gündəmə gətirib. Həm ərzaq sektorunda, həm də bütün xidmət sahələrində olan bahalaşmaya baxmayaraq, ezamiyyə ilə bağlı məsələ dəyişməz olaraq qalır.

OXU24.COM  Xəzər Xəbər-ə istinadən xəbər verir ki, ezamiyyə xərcləri 2012-ci ildə təyin olunub və bu vaxtadək artmayıb.

İqtisadçı ekspert Xalid Kərimli "Xəbər Ertəsi"nə deyir ki, son illərdəki qiymət artımına nəzər saldıqda sözügedən xərclər kifayət qədər aşağı hesab olunur.

Ezamiyyə ilə bağlı qanunun ən az 2 ildən bir yenilənməsinə və əlavələr edilməsinə ehtiyac var.

Xalid Kərimli qeyd edib ki, ezamiyyə xərcləri ciddi şəkildə artırımalıdır.

Millət vəkili Vüqar Bayramov bildirib ki, dünyada baş verən inflyasiya nəzərə alınaraq ezamiyyə xərclərinin yaxın zamanda artırılacağı gözlənilir.

O,  qeyd edib ki, yeni tariflər müəyyən edilərkən həm daxili, həm də xarici infyasiya nəzərə alınacaq. Bu səbəbdən də ezamiyyə xərclərində ciddi artım olacağı gözlənilir.

OXU24.COM  mövzu ilə bağlı daha ətraflı videomaterialı təqdim edir: