Ölkənin hər yerində minlərlə insanın iştirakı ilə İsveçin NATO-ya daxil olmasına qarşı nümayişlər keçirilir.

Oxu24.com xəbər verir  ki, Göteborqs-Posten qəzeti yazır ki, etirazlardan  biri Göteborq şəhərində baş verib.

Nəşrin məlumatına görə, mitinq iştirakçıları hökuməti tələsik qərarlardan çəkinməyə və krallığın neytrallığı və siyasi bloklardan azad olmağı nəzərdə tutan ənənəvi siyasətinə qayıtmağa çağırıblar.

Qeyd olunur ki, nümayişlər səbəbindən ictimai nəqliyyatın iki xəttinin fəaliyyətində nasazlıqlar yaranıb.

Finlandiya və İsveç 2022-ci ilin yayında NATO-ya üzv olmaq üçün müraciət ediblər. O vaxtdan bəri bloka üzv olan 30 ölkədən 28-i Nordic qəbul müqavilələrini ratifikasiya edib. Macarıstan və Türkiyə prosesi əngəlləyib. Daha sonra Macarıstan Helsinkinin müraciətini təsdiqlədi. Və bu il aprelin 1-də Finlandiyanın müraciəti Türkiyə prezidenti Rəcəb Tayyib Ərdoğan tərəfindən ratifikasiya edilib. Aprelin 4-də ölkə rəsmi olaraq alyansa üzv olub.

Kreml bildirib ki, Rusiya Finlandiyanın alyansa daxil olmasına taktiki və strateji əks tədbirlər görərək cavab verəcək.

Tərcümə: Miri Məcidli