ABŞ Rusiyanın nüvə silahından istifadə etməyəcəyinə inanır.

Oxu24.com xəbər verir  ki,ABŞ müdafiə nazirinin siyasi məsələlər üzrə müavini Kolin Koul "Foreign Policy" jurnalına müsahibəsində deyib ki, Ukraynadakı müharibə Rusiya üçün ekzistensial təhlükə yaratmır, ona görə də Moskvanın nüvə silahından istifadə etmək üçün heç bir səbəbi yoxdur.

O xatırladıb ki, Rusiya rəsmiləri ilə danışıqlarda onlar tez-tez qeyd ediblər ki, Rusiyanın nüvə doktrinasında nüvə silahının yalnız dövlət üçün ekzistensial təhlükə yarandığı halda istifadə edilməsi nəzərdə tutulur.

Kohl vurğulayıb ki, Ukraynadakı müharibə elə bir təhlükə yaratmır.

Nazir müavini əlavə edib ki, Kiyevə kömək etməsinə baxmayaraq, ABŞ prezidenti Co Bayden ABŞ-ın birbaşa münaqişəyə girməsində və üçüncü dünya müharibəsinə çevrilməsində maraqlı olmadığını açıq şəkildə bildirir.

Tərcümə: Miri Məcidli