Fransa prezidenti Emmanuel Makron tezliklə pensiya islahatı haqqında qanunu təsdiq edəcək.

Trend xəbər verir ki, bu barədə mənbələrə istinadən "BFM" telekanalı məlumat yayıb.

Mənbələrin sözlərinə görə, qanun yaxın 48 saat ərzində E.Makron tərəfindən imzalanacaq və rəsmi olaraq qüvvəyə minəcək.

Qeyd edək ki, daha əvvəl Fransa Konstitusiya Şurası pensiya islahatını qanuni hesab edib və pensiya yaşının 64 yaşa qaldırılmasını təsdiqləyib.