Malinin cənub və daxili bölgələrində törədilən terror aktlarında 7 nəfər həyatını itirib.
 

Oxu24.com xəbər verir  ki, yerli mənbələrin məlumatına görə, naməlum silahlı şəxslər Burkina-Faso sərhədinə yaxın Sikasso bölgəsindəki Heremakono sərhəd məntəqəsinə hücum ediblər.

Hadisədə qanalı sürücü və polis məmuru həyatını itirib, 3 nəfər yaralanıb.

Naməlum şəxslər ölkənin daxili hissəsində yerləşən Mopti bölgəsinin Bankass rayonunun Djan-Oikoro kəndinə hücum ediblər.

Hücum nəticəsində 5 nəfər həlak olub.

Sahel bölgəsində "3 ölkə sərhədi" kimi tanınan Burkina Faso, Mali və Niger son illərdə terror təşkilatı Əl-Qaidə və DEAŞ-a bağlı qrupların hücumlarına məruz qalır.

2013-cü ildən bəri Malidə yerləşən xarici hərbi missiyalara baxmayaraq, ölkədəki terror təşkilatları hücumlarını davam etdirir.

Tərcümə: Miri Məcidli