"YouTube Premium"a yeni faydalı funksiyalar gəlir. 

Oxu24.com  xarici mediaya istinadən xəbər verir ki, ödənişli "YouTube" istifadəçilərinin yaxın gələcəkdə sahib olacağı yeniliklər gözlənilir.

Belə ki, "YouTube" təcrübəsinə əlavə olaraq bir çox yeni funksiyaların kilidini açan "YouTube Premium" videoları fonda oynatmaq və internet olmadan videoları yükləmək və izləmək imkanı kimi bəzi funksiyalar təklif edir.

"YouTube Premium"a gələn ilk xüsusiyyət son həftələrdə ortaya çıxan 1080p Premium xüsusiyyəti olacaq.

Bu funksiya sizə adi 1080 təsvir ölçüsündən daha yüksək keyfiyyətli videolara baxmağa imkan verəcək. Çox detallı və hərəkətli videolar indi daha aydın olacaq.

Android istifadəçilərinə "Google Meet Live Sharing" ilə birlikdə videolara baxmağa imkan verən "YouTube Premium" indi eyni dəstəyi "Apple SharePlay" xüsusiyyətinə gətirəcək. 

Sözügedən yenilik iOS istifadəçilərinə FaceTime zəngləri zamanı birlikdə videolara baxmağa imkan verəcək.(azxeber)