Hindistanda meşə təsərrüfatı işçisi təxminən 3 metr uzunluğundakı kobranın şaquli vəziyyətdə dayandığı anları lentə alıb. İşçi qorxulu görüntünü sosial media hesabında paylaşıb.

OXU24.COM  xəbər verir ki, istifadəçilərin "ağzını açıq qoyan" video qısa zamanda milyon yarımdan çox insan tərəfindən izlənilib.

"Kral kobra sözün əsl mənasında "ayağa qalxıb" və insanın gözünün içinə baxa bilər"- deyə videonun altına yazılıb.

Videonu görənlər heyrətlərini ifadə edərək görüntünün onları çox qorxutduğunu bildiriblər. Qeyd edək ki, "National Geograpich"-ə görə, kobra ilanının uzunluğu 3600 sm, çəkisi isə 10 kiloqrama çata bilər.