Bu gün Şəhid Heydərov Əli Vaqif oğlunun doğum günüdür.

Oxu24.com xatırladır ki,Heydərov Əli Vaqif oğlu 9 fevral 2002-ci ildə Naxçıvan Muxtar Respublikasının Sədərək rayonunda anadan olub.

2008-ci ildə Binəqədi rayonu 135 nömrəli məktəbdə təhsil almağa başlayıb. Əli Heydərov 7 may 2020-ci ildə həqiqi hərbi xidmətə yollanıb, Beyləqan rayonu N saylı hərbi hissələrdən birində xidmətə başlayıb. Azərbaycan Ordusunun əsgəri olan Əli Heydərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azadlığı uğrunda gedən döyüşlərdə fəal iştirak edib.Əli Heydərov 27 sentyabrda Füzuli, Cəbrayıl istiqamətində, gedən döyüşlərdə şəhid olub. "Vətən uğrunda" və "Füzulinin azad olunmasına görə" medalları ilə təltif eilib.

Ruhun şad olsun,Şəhdim.

Hazırladı: Miri Məcidli