Jurnalistlər Mehmet Akif Ersoy və Zülfikar Ali Aydın Hataydakı xilasetmə işlərinin çox ağır şəraitdə aparıldığını əyani şəkildə göstəriblər.

OXU24.COM big.az-a istinadən bildirir ki, çəkiliş zamanı onlar kameranın işığını söndürüblər və ətrafın qaranlığa qərq olduğunu nümayiş etdiriblər.

Jurnalist dağıntılar arasında qalanları xilas etmək üçün işlərin fasiləsiz şəkildə, həta zülmət qaranlıqda aparıldığını vurğulayıb.

Qeyd edək ki, fevralın 6-da Türkiyədə baş verən 7,7 və 7,6 bal gücündə zəlzələlərdə ölənlərin sayı 6 234 nəfərə çatıb, 37 011 nəfər yaralanıb, 5 775 bina dağılıb. Dağıdıcı zəlzələ Türkiyənin 10 vilayətində 13,5 milyon insana təsir göstərib.