İran Silahlı Qüvvələrinin Baş Qərargah rəisi, general-leytenant Məhəmməd Baqiri və İran ordusunun baş komandanı Əbdülrəhim Musəvi Hərbi Hava Qüvvələrinin “Oqab-44” (“Qartal-44”) ilk yeraltı hava bazasında olublar.

Oxu24.com xəbər verir  ki, bu barədə İRNA xəbər agentliyi məlumat yayıb.

"Oqab-44" taktiki aviabazası bütün növ qırıcı və bombardmançı təyyarələri, həmçinin pilotsuz uçuş aparatlarını qəbul etmək gücündədir.

Bu böyük yeraltı hava bazası həmçinin Hərbi Hava Qüvvələrinin yeni qırıcılarını qəbul edib operativ şəkildə istifadə edə biləcək.

“Oqab-44” İran Hərbi Hava Qüvvələrinin son illərdə ölkənin müxtəlif bölgələrində bu qüvvələrin əməliyyat ehtiyaclarına uyğun və passiv müdafiə prinsipləri nəzərə alınmaqla inşa edilmiş taktiki yeraltı hava bazalarından biri hesab olunur. 

Aynurə Məcidova