Avropa İttifaqına üzv 13 ölkə Kahramanmaraşdakı zəlzələlər üçün Türkiyəyə axtarış-xilasetmə qrupları göndərəcək.

Oxu24.com Türkiyə mediasına istinadən xəbər verir  ki,Avropa İttifaqı Komissiyasının sözçülərindən Balazs Ujvari gündəlik mətbuat konfransında episentri Kahramanmaraş olan 7,7 və 7,6 bal gücündə zəlzələlərlə bağlı açıqlama verib.

Ujvari, müxtəlif üzv ölkələrdən 10-dan çox şəhər axtarış və xilasetmə qruplarını səfərbər etdiklərini bildirib.

Bolqarıstan, Xorvatiya, Çexiya, Fransa, Yunanıstan, Hollandiya, Polşa və Rumıniya tərəfindən göndəriləcək yardımın indiyə qədər təsdiqləndiyini bildirən Ujvari, əlavə olaraq Macarıstan, İtaliya, İspaniya, Malta və Slovakiyanın da yardım təklif etdiyini bildirib.

Ujvari həmçinin bildirib ki, AB Türkiyə səlahiyyətlilərinə fövqəladə xəritə xidmətləri göstərmək üçün Kopernik peyk sistemini də işə salıb və səlahiyyətlilər arasında əlaqə davam edir.

Sözçü Aİ-nin lazım gəldikdə əlavə dəstəyi koordinasiya etməyə hazır olduğunu bildirib.

Böhranların idarə edilməsi, mülki müdafiə və humanitar yardımdan məsul AB komissarı Janez Lenarçiç daha əvvəl 10 ölkənin bir qrup göndərəcəyini bildirmişdi.

Qeyd edək ki,Türkiyəyə ilk yardımı Azərbaycan göndərib.

TƏCİLİ XƏBƏR! Dağıntılar altında qalan 4 azərbaycanlı tələbə xilas edilib

Tərcümə: Miri Məcidli