Mixail Saakaşvili vəsiyyət edib.
Oxu24.com xəbər verir ki, Gürcüstanın eks-prezidenti Mixail Saakaşvili məhkəmə iclasında bildirib ki, ölümündən sonra Ukraynada dəfn olunmasını istəyir.
“Qələbəmizə tam əminəm, amma bu qədər yaxın olan bu qələbəni görməsəm, ürəyim Kiyevdə dəfn edilməlidir. O, Ukraynaya məxsusdur”, - deyə Saakaşvili müalicə aldığı Tbilisidəki “Vivamed” özəl klinikasından videobağlantı vasitəsilə məhkəmədə bildirib.
Eks-prezident Ukrayna dilində danışıb. Onun çıxışını məhkəməyə dəvət olunmuş tərcüməçi tərcümə edib. Saakaşvili çıxışını bitirdikdən sonra ukraynalı köynəyini qaldırıb və məhkəmə qarşısında fiziki vəziyyətini nümayiş etdirib və “qeyri-estetik görüntülərə görə” hamıdan üzr istəyib.
“Yalnız xahiş edirəm ki, mənə adekvat müalicə imkanı versinlər...”, Saakaşvili məhkəməyə müraciət edərək deyib.
Hakim görüntü ekranını bağlayıb və Saakaşvilidən geyinməyi xahiş edib. Bundan sonra görüntü dayandırılıb və məhkəmə müdafiə tərəfinin şahidlərini dinləməyə davam edib.
Bu gün Tbilisi şəhər məhkəməsində Saakaşvilinin vəkillərinin səhhəti ilə bağlı onun müvəqqəti və ya tam azadlığa buraxılması ilə bağlı vəsatəti ilə bağlı növbəti iclas keçirilir. İclasda onlar səhiyyə sahəsi üzrə mütəxəssisləri, həmçinin Vivamed klinikasının həkimlərini dinləməyi planlaşdırırlar.
Tərcümə: Miri Məcidli
Oxu24.com
ŞƏRHLƏR