Belarus Silahlı Qüvvələrində regional qoşun qruplaşmasının Birləşmiş Komandanlığının birgə qərargah hazırlığı başlayır.
Oxu24.com xəbər verir ki, bu barədə Belarus Müdafiə Nazirliyinin məlumatında deyilir.
“Həftə ərzində iki dövlətin hərbi idarələrinin nümayəndələri son illərin silahlı münaqişələri təcrübəsinə əsaslanaraq qoşunların istifadəsinin birgə planlaşdırılması məsələlərini işləyəcəklər: “Regional silahlardan istifadə ilə bağlı qərarların qəbulu. İttifaq dövlətinin hərbi təhlükəsizliyinin təmin edilməsi maraqları naminə qoşunların (qüvvələrin) qruplaşdırılması”, - məlumatda deyilir.
Birgə əməliyyat təlimi tədbirləri kompleksi Belarus və Rusiyanın hərbi komandanlıq və nəzarət orqanlarının uyğunluğunun artırılmasına yönəlib və Rusiyada keçiriləcək "Birlik qalxanı - 2023" birgə əməliyyat təliminə hazırlığın növbəti mərhələsidir.
2022-ci il oktyabrın 10-da Belarus prezidenti Aleksandr Lukaşenko Moskva ilə razılaşmalar çərçivəsində belarus hərbçilərindən ibarət regional qoşunlar qrupunun formalaşmasına başlandığını elan edib. Oktyabrın ortalarında Minsk respublikaya rus hərbçiləri ilə ilk eşelonların gəldiyini elan etdi.
Rusiya prezidenti Vladimir Putin dekabrın 19-da Minskdə Lukaşenko ilə danışıqların yekunlarına əsasən bildirib ki, Rusiya və Belarus birgə təlimlər və digər döyüş hazırlığı tədbirlərinin, o cümlədən RGV çərçivəsində keçirilməsi təcrübələrini davam etdirəcəklər.
Yanvarın əvvəlində Belarus Müdafiə Nazirliyi qrupun yaradılmasının davam etdiyini, həmçinin Birlik Dövlətini qorumaq üçün tapşırıqları yerinə yetirməyə hazır olduğunu elan etdi.
Tərcümə: Nigar
Oxu24.com
ŞƏRHLƏR