Kolumbiyanın qərbində baş verən silahlı qarşıdurmada üsyançı “Milli Azadlıq Ordusu” qrupunun doqquz üzvü və azı bir əsgər həlak olub.
Oxu24.com xəbər verir ki, bu barədə ölkənin Hərbi Dəniz Qüvvələri tviter səhifəsində məlumat yayıb.
Qeyd olunub ki, hadisə hərbçilər tərəfindən aşkar edilən üsyançı qrupun düşərgəsində baş verib.
Xatırladaq ki, “19 Aprel Hərəkatı”ndan keçmiş üsyançı Qustavo Fransisko Petro Urreqo Kolumbiyada hakimiyyətə gəldikdən sonra hökumətlə “Milli Azadlıq Ordusu” arasında altı ay müddətinə atəşkəs bağlanıb, lakin sonradan üsyançılar atəşkəs razılaşmasından çıxdıqlarını bəyan ediblər.
Tərcümə: Nigar
Oxu24.com
ŞƏRHLƏR