Finlandiya Ukraynaya ağır artilleriya və sursatdan ibarət 12-ci hərbi yardım paketini təqdim edib.

Oxu24.com xəbər verir  ki,  bu barədə Finlandiya hökumətinin bəyanatında deyilir.

Müdafiə naziri Mikko Savola bildirib ki, Finlandiya Ukraynanı ağır artilleriya və sursatla təmin edəcək.

Açıqlamaya görə, avadanlıqların dəyəri 400 milyon avrodan çoxdur. Ümumilikdə Helsinki Ukraynaya 590 milyon avro məbləğində hərbi yardım göstərib.

Finlandiya prezidenti Sauli Niinistö bir müddət əvvəl bildirmişdi ki, “Ukraynaya yardım üzrə birgə Avropa layihəsi” yaradılarsa, ölkəsi “Leopard” tanklarının kiçik partiyasını Ukraynaya ötürə bilər.

“Lakin köçürülən zirehli texnikanın sayı çox ola bilməz, çünki Finlandiya Rusiya ilə həmsərhəddir və hələ NATO üzvü deyil”, - o deyib.

Tərcümə: Miri Məcidli