Belarus hərbi gücünü artırır.
2023-cü ildə Belarusun müdafiə xərcləri təxminən 1 milyard dollar olacaq.
Bu, 2021-ci illə müqayisədə iki dəfə çoxdur.
Oxu24.com xəbər verir ki, bu barədə hərbi nəşr olan "Agentlik" saytı hərbi analitik, Polşanın Rochan Consulting analitik mərkəzinin rəhbəri Konrad Muzykaya istinadən məlumat yayıb.
2021-ci ildə Belarusun müdafiə büdcəsi 1,36 milyard Belarus rublu (540 milyon dollar), 2022-ci ildə 1,69 milyard Belarus rublu (670 milyon dollar) təşkil edib. Bu il büdcə keçən illə müqayisədə demək olar ki, bir milyard rubl, 2021-ci ilə nisbətən isə təxminən 1,3 milyard artıb.
Muzykanın fikrincə, hətta 2022-ci ilin sonuna 16% olacağı gözlənilən inflyasiya nəzərə alınsa, 2023-cü ildə Belarusun müdafiə büdcəsi real ifadədə 45% artacaq.
Bu il Belarusda daxili işlər orqanlarına və DTK-ya xərclər də xeyli artıb - müvafiq olaraq 135 və 40 milyon dollar. Milli təhlükəsizlik xərcləri 2023-cü ildə 0,58 milyard dollardan 1,1 milyard dollara yüksəldi.
Tərcümə: Miri Məcidli
Oxu24.com
ŞƏRHLƏR