Ukrayna  Müdafiə Nazirliyinin Baş Kəşfiyyat İdarəsinin sözçüsü Vadim Skibitski Rusiya ordusunun Ukraynanın işğal olunmuş ərazilərində mövcudluğunu gücləndirmək üzrə yaxın planlarını açıqlayıb.

Oxu24.com Ukrayna mediasına  istinadən xəbər  verir  ki,onun sözlərinə görə, ruslar Dnepr çayının sağ sahilini tərk etdikdən sonra bir sıra ərazilərdə - Xerson, Zaporojye və Donetsk vilayətlərinin işğal olunmuş hissələrində  qoşunların yenidən qruplaşdırılmasını başa çatdırıb və ehtiyatlar yaradıblar.

"Bu gün biz Rusiya Federasiyasının ərazisində bütün hərbi dairələrdə səfərbər edilmiş ərazi qoşunları bölmələrinin kifayət qədər aktiv hərəkətini müşahidə edirik", - deyə  Skibitski bildirib. O, həmçinin bildirib ki, azırda Rusiya hərbçilərinin Rostov vilayəti, Belqorod vilayətinə və  Krım ərazisi vasitəsilə Xerson vilayətinə hərəkəti müşahidə olunur. 

Tərcümə: Miri Məcidli