Hyuston və Yeni Orleandakı bir sıra tədqiqat mərkəzləri və universitetlərindən olan amerikalı alimlər narkomaniyaya qarşı dünyada ilk peyvənd hazırlayıblar.
Rarici media xəbər verir ki, söhbət xüsusilə, artan xəstəlik halları və ölümlə nəticələnən həddindən artıq dozada opioidlərdən gedir.
Ekspertlər qeyd edirlər ki, narkomaniyanın müalicə oluna biləcəyinə baxmayaraq, insanların 80 faizi residivdən əziyyət çəkir.
Eyni zamanda, fentanilin iki milliqram qədər az bir dozası ölümcül ola bilər, çünki bu narkotik heroindən 50 dəfə, morfindən isə 100 dəfə güclüdür.
"Bizim peyvəndimiz fentanilə qarşı anticisimlər yaratmağa qadirdir ki, bu da udulmuş fentanilə bağlanır və onun beyinə çatmasının qarşısını alır, onun böyrəklər vasitəsilə xaric olmasına imkan verir", - Hyuston Universitetinin dosenti Kolin Heyl deyib.
Bundan əlavə, alimlər vurğulayıblar ki, peyvəndin tətbiqindən sonra insan eyforiya hiss etməyəcək, ancaq rasional düşüncəyə qayıda biləcək.
"Fentanilə qarşı anticisimlər spesifikdir və fentanil törəməsi morfin kimi digər opioidlərlə çarpaz reaksiyaya girmir. Bu o deməkdir ki, fentanilə qarşı peyvənd edilmiş şəxs hələ də digər opioidlərlə müalicə oluna bilər", - alimlər belə düşünürlər.
Daha əvvəl bildirilmişdi ki, Böyük Britaniyada yorğunluq və əzələ zəifliyi əlamətlərini aradan qaldırmaq üçün nəzərdə tutulmuş dərmanın ilk sınaqlarına başlanılıb.
Oxu24.com
ŞƏRHLƏR