Bakının Yasamal rayonunda yol-nəqliyyat hadisəsi baş verib.

APA TV xəbər verir ki, hadisə Əsəd Əhmədov küçəsində qeydə alınıb.

Belə ki, “Toyota Prius” markalı avtomobil digər zolağa keçərkən iki eyni markalı maşına çırpılıb. Qəza nəticəsində bir nəfər sərnişin xəsarət alıb.
Hadisə yerinə çağırılan təcili yardım briqadası yaralıya yerində tibbi yardım göstərib. Əraziyə yol patrul xidmətinin və yasamal rayon polis idarəsinin əməkdaşları cəlb olunub. Qəzaya səbəb olan avtomobil cərimə meydançasına yerləşdirilib. Sürücülərin izahatları alınıb. 

Faktla bağlı araşdırma aparılır.