Ermənistanda orta məktəb şagirdləri əlavə olaraq Azərbaycan və türk dillərini seçirlər. 
Bunu sentyabrın 8-də jurnalistlərə açıqlamasında Ermənistanın təhsil, elm, mədəniyyət və idman naziri Vahram Dumanyan bildirib. 

Onun sözlərinə görə, Nazirlik yuxarı siniflərdə Azərbaycan və türk dillərinin öyrənilməsini istək əsasında, gürcü və fars dillərinin öyrənilməsini isə əsas dil olaraq tədris edilməsini təklif edib. 

“44 günlük müharibə zamanı müşahidə etdik ki, azərbaycanlılar erməni dilini yüksək səviyyədə bilirlər.

Biz də qərara gəldik ki, təhsil ocaqlarımızda türk və Azərbaycan dillərini seçmə fənn kimi təklif edək. Şagirdlərin çoxu Azərbaycan və türk dillərini seçib.

Məktəblərdən birinin direktorundan məktəblilərin bu dillərə olan marağının səbəbini öyrəndik. Bildirilib ki, azərbaycanlıların dilini öyrənib, onları başa düşmək istəyirlər”, - deyə nazir bildirib.