Ermənistanın baş naziri vəzifələrini icra edən Nikol Paşinyanın homoseksuallara dəstəyi onun reputasiyasına nəinki ölkəsində, hətta qonşu dövlətlərdə də çox pis təsir edib.

Femida.az xəbər verir ki, Rusiyanın94.8 dalğasında yayımlanan "Danışır Moksva" radiosunun "Podyom" verilişində aparıcı Sergey Dorenko Paşinyanı olduqca sərt tənqid edib. Dorenko Paşinyanı homoseksualların dostu və mövqeysiz siyasətçi adlandırıb.

Dorenko Paşinyanın Parisdəki mehmanxanada rastlaşdığı hadisəni danışmasını xatırladıb.

Paşinyan deyib ki, Parisdə ona bir erməni oğlan qəhvə verirdi.

"Qulaq as, sən niyə Ermənistana qayıtmırsan?" – Paşinyan oğlandan soruşur.

O deyir: "Biz mənim məşuqumla birlikdə qaçdıq".

Yəni, bir-birini sevən iki erməni oğlan Fransaya qaçdılar, çünki onlar üçün həyat dözülməz imiş.

Paşinyan danışır ki, o, bu oğlan haqqında çox düşünüb.

Dorenko yazır ki, bu fikirlər Paşinyanın siyasi imicini alt-üst etdi.

"Mən homofob deyiləm, lakin sağlam cəmiyyətlərdə ailə institutu əhəmiyyətlidir. Bu mənada, nə Rusiya, nə də erməni cəmiyyəti istisnadır. Yəni, ermənilərin böyük hissəsi bu məsələdə mühafizəkardır. Paşinyanın Parisdəki erməni oğlan haqqında dedikləri isə siyasi imicinə ciddi zərbə vurur. Siyasətçi Paşinyan siyasi mövqe tutmalıdır. Lakin o danışır ki, "bu oğlanda gözəl gözlər var idi". Belə olanda biz Paşinyan haqqında başqa cür düşünməyə başlayırıq. Yəni, o, anlamağa imkan verir ki, homoseksuallara simpatiya hiss edir", - deyə rusiyalı jurnalist qeyd edir.

Onu da qeyd edək ki, Sergey Dorenkonun Paşinyanla bağlı açıqlamaları Ermənistanın Rusiyadakı səfirliyində sərt reaksiya doğurub. Səfirlik radio-aparıcının Ermənistan hakimiyyəti barədə danışarkən etik normalara əməl etmədiyini açıqlayıb. Buna cavab verən Dorenko açıqlamalarının erməni xalqına aid olmadığını qeyd edib. O, şəxsi fikrini dediyini və bunun Ermənistandakı siyasi proseslərlə əlaqəli olduğunu diqqətə çatdırıb.



Oxu24.com