Bakıda 1 sayılı Şəhər Klinik Xəstəxanasında xoşagəlməz anlar yaşanıb.

Belə ki, xəstəxanaya müraciət edən şəxslər əvvəlcə növbə üstündə əlbəyaxa olublar. Daha sonra onların mübahisəsinə ətrafdakılar müdaxilə edib.

OXU24.COM Baku TV-yə istinadən bildirir ki, Mərkəzin mətbuat xidmətinin sözçüsü Elnur Hidayətoğlu sözügedən videoya münasibət bildirilib.

"Çox təəssüf olsun ki, bu cür hadisələr yaşanır. Vətəndaşlarımız icbari tibbi sığortadan yararlanmaq üçün xəstəxanaya müraciət edir. Bu zaman təbii ki, növbə prinsipi olur və kadrlardan da göründüyü kimi, vətəndaşlar növbəyə görə dalaşır", - deyə o qeyd edib.