Yay mövsümü ilə əlaqədər Sabunçu rayonu ərazisindən keçərək çimərliklərə üz tutanların sayı artıb. Elə bu məqsədlə Sabunçu Rayon Dövlət Yol Polisi şöbəsinin və Bakı Şəhər Dövlət Yol Polisi idarəsinin əməkdaşları həmin yollarda reydlər keçirib.

Reydin məqsədi xüsusilə dəniz mövsümü ilə əlaqədər çimərliklər istiqamətindəki yollarda sürücülərin və digər yol hərəkəti iştirakçılarının təhlükəsizliyini təmin etmək və yolda hərəkətin intensiv olmasına şərait yaratmaqdan ibarətdir.

Bakı Şəhər Dövlət Yol Polisi idarəsinin baş inspektoru Araz Əsgərli qeyd edib ki, yol hərəkəti iştirakçıları məsuliyyətli olmalıdırlar.

O da bildirib ki, xüsusilə mövsüm boyunca polis bu reydləri davam etdirəcək.