Göygöl rayonunda yol qəzası olub. "Report"un Qərb bürosunun məlumatına görə, hadisə Göygöl şəhər ərazisində qeydə alınıb. Belə ki, “KİA” markalı avtomobilin idarəetmədən çıxaraq yol kənarındakı maneə çırpılması nəticəsində 1977-ci il təvəllüdlü N. Həsənova və 2004-cü il təvəllüdlü Ə.Həsənova xəsarət alıb. Yaralılar təcili yardım maşınları ilə xəstəxanaya aparılıb. N.Həsənovanın vəziyyəti orta-ağır, Ə.Həsənovanın vəziyyəti isə kafi qiymətləndirilir. Faktla bağlı araşdırma aparılır. Oxu24.com